Costa Rica 2

Her på Lapoint surfecamp er det fint å vere :) Hengekøyer og avslapping, med frokost klokka åtte, lunsj klokka tolv og yoga annankvar dag halv tre. Eller det er hard trening og, det fikk vi erfare då vi surfa i dag. Det var veldig tungt for armar og bein, men kjempegøy når vi kom oss opp på brettet og fikk til å stå! Det var mest prøving og feiling, ser mykje lettare ut enn det er, men vi kom oss opp eit par gangar. Etter vi hadde surfa spiste vi lunsj, og då var det tungt å helle saft oppi glasset, så trøtt var vi i armane ;) Yoga var det og i dag, eg er ikkje akkurat mjuk, men det gikk no på eit vis. I ettermiddag var vi ein liten tur til nede på stranden, og eg merka litt framgang og kom meg opp fleire gangar. Kristine smurte seg med faktor 50 i dag, men blei fortsatt veldig solbrent på ryggen og i ansiktet. Vi skal sjå om vi får kjøpt ein surfesolkrem som vi har fått anbefalt. Eg blei rød i kinna. Vi slår kneet når vi hoppar opp på brettet, og når vi går utover forbi bølger slår brettet litt inn i sida, så litt blåmerker blir det nok. Men men, tenker ikkje på det når vi er i vatnet. Bilder kjem når vi har blitt flinkare, og tar med kamera ned :)

Ellers er det lite vatn her, regntiden varte visst bare to veker, så vi må spare på vatnet og dusje fort. Hadde tenkt å ta med sigar heim fra Cuba, men fant ut at det ikkje er lov å ta med kubanske ting til USA, så vi måtte legge dei igjen på hotellet i Havanna. Trur ho som gjorde reint på rommet blei glad for det.